Elhuyar Aholkularitzako koordinatzaile Arantza Larrinagak eta Aizpea Otaegik Kataluniara bidaiatu dute ekainean, bertako eragileekin harremana sendotu eta esperientziak partekatu asmoz. Hizkuntzaren normalizazioa, herritarren parte-hartzea eta gizon eta emakumeen aukera berdintasuna bultzatzen dute eragileekin bildu dira, horiek baitira Elhuyar Aholkularitzak lantzen dituen eremuak. Herrialde bakoitzeko errealitateak desberdinak izanagatik, gure jarduna aberasten lagundu digu, baten bizipenak bestearen bidea argitu baitu.

Lehenik, Generalitat-eko Direcció General de Participació Ciutadana Saileko zuzendariorde Fernando Pindadorekin elkartu ziren. 2004an sortu zuten sail hori eta ordutik herritarren parte-hartzea bultzatzea izan da bere egitekoa. Helburua zera da, herritarrek parte hartzea Kataluniako Generalitataren nahiz tokiko erakundeen politikak diseinatzeko, martxan jartzerako eta jarraipena egiteko orduan. Modu horretan, parte-hartze politiko eta sozialaren kultura zabaldu nahi dute. Ikus esteka honetan: http://www10.gencat.net/drep/AppJava/cat/index.jsp.

Ondoren, Consorcio per a la Normalització Lingüística-ko ordezkariak bisitatu zituzten. Elhuyar Aholkularitzak bezala, hauek ere hizkuntzaren normalizazioan eragitea dute xede eta, katalaneraren erabilera bermatu eta sustatu asmoz, enpresekin egiten dute lan, besteak beste. Normalizazio hori lortzeko bakoitzak bere bidea urratu du, eta esperientziak konpartitu eta elkarren jarduna aberasteko aukera aparta izan zen. http://cpnl.cat/

Azkenik, Consultora Surt-eko ordezkariekin bildu ziren Elhuyar Aholkularitzako kideak. Hauek erreferentziazko eragileak dira gizon eta emakumeen artean aukera berdintasuna sustatzen. Lagun-zaharrak ditugu gainera, elkarlanean ere aritu izan baikara. Oraingoan ere emankorra izan zen bilera, lan egiteko ereduak bestelakoak izanik ere elkarrengandik ikasteko aukera izan baikenuen. http://www.surt.org