Hasiera

Azken berriak

2013-05-23 Herritarrekin topaketak antolatu ditu Gipuzkoako Foru Aldundiaren eta lurraldeko udalen sareak

Gipuzkoako Foru Aldundiak eta lurraldeko 47 udalek “Herritarrekin Topaketak”·antolatu dituzte ekainaren 6, 7, eta 8rako, Donostiako Kursaalean. Herritarrek, gizarte eragileek, maila teknikoan gaia lantzen dutenek, eta Euskal Herriko eta, bereziki, Gipuzkoako tokiko erakundeetako ordezkariek herritarren partaidetza aztertzeko aukera izango dute topaketa horietan, eta Latinoamerikako eta Europako adituek hitzaldiak eskainiko dituzte: besteak beste, Marta Harnecker-ek eta Theo Schiller-ek. Elhuyar Aholkularitza topaketa horietako laguntzailea izango da. informazio gehiago
2013-05-20 Elhuyarrek Urola Kostako enpresei zuzendutako Enpresen Nazioarteratzeari buruzko jardunaldi batean parte hartu du, eta hizkuntza-kudeaketa egoki baten garrantziaz jardun du

Gaur egungo egoera ekonomikoak eta sozialak bultzatuta, gero eta enpresa gehiagok ekiten diote nazioartean lehiatzeari. Horrenbestez, eta aldez aurretik landutako estrategia bati erantzunez, nazioarteratzeko jauzia eman duten enpresek ingurune eleanitz horietan nola jokatu behar duten jakin behar dute, ”Hizkuntzak egoki kudeatzeak negozio-aukerak irekitzen dizkie enpresei” Langune-Euskal Herriko Hizkuntza Industrien Elkarteak egindako azken azterketak erakutsi duenez. informazio gehiago
2013-05-15 Lan mundua euskalduntzeko konferentzia antolatu du Kontseiluak ekainaren 13rako

Euskararen Gizarte Erakundeen Kontseiluak euskarak lan munduan duen egoeraren inguruan hausnarketa egin du, aholkularitzen sektorean dabiltzan bazkideekin (tartean, Elhuyar Aholkularitza). Halaber, lan munduko beste eragileekin hausnarketa hori partekatu du. Ondorio horiekin guztiekin LAN MUNDUA EUSKALDUNTZEKO KONFERENTZIA antolatu du ekainaren 13rako. Konferentzia Arrasateko GARAIA berrikuntza-zentroan izango da eta bertan lau eremu nagusi horietako bakoitzak bere tartea izango du:
- Euskaraz lan egin nahi dut: Sindikalgintzaren ekarpen.
- Euskaraz saldu nahi dut: Enpresa traktoreen ekarpena.
- Euskaraz erosi nahi dut: Kontsumitzaileen ekarpena
informazio gehiago

Orain arteko buletinak

Irudia kargatzen...

Zertan ari gara 2

Zertan ari gara 4