2010-07-09Kataluniako hainbat eragilerekin elkartu dira Elhuyar Aholkularitzako ordezkariak
Elhuyar Aholkularitzako koordinatzaile Arantza Larrinagak eta Aizpea Otaegik Kataluniara bidaiatu dute ekainean, bertako eragileekin harremana sendotu eta esperientziak partekatu asmoz. Hizkuntzaren normalizazioa, herritarren parte-hartzea eta gizon eta emakumeen aukera berdintasuna bultzatzen dute eragileekin bildu dira, horiek baitira Elhuyar Aholkularitzak lantzen dituen eremuak. Herrialde bakoitzeko errealitateak desberdinak izanagatik, gure jarduna aberasten lagundu digu, baten bizipenak bestearen bidea argitu baitu.
Lehenik, Generalitat-eko Direcció General de Participació Ciutadana Saileko zuzendariorde Fernando Pindadorekin elkartu ziren. 2004an sortu zuten sail hori eta ordutik herritarren parte-hartzea bultzatzea izan da bere egitekoa. Helburua zera da, herritarrek parte hartzea Kataluniako Generalitataren nahiz tokiko erakundeen politikak diseinatzeko, martxan jartzerako eta jarraipena egiteko orduan. Modu horretan, parte-hartze politiko eta sozialaren kultura zabaldu nahi dute. Ikus esteka honetan: http://www10.gencat.net/drep/AppJava/cat/index.jsp. informazio gehiago
2010-06-23Hondakinen kudeaketaz hausnartzeko batzordea osatu du Zumaiako Udalak
Hondakinen kudeaketaren inguruko eztabaidak ez du etenik, orain Zumaiaren txanda da. Izan ere, Hondakinen Batzorde Herritarra sortu berri du Udala, herritarrekin hondakinen kudeaketa ereduaz eztabaidatzeko eta elkarrekin hausnartzeko.
Horretarako hainbat saio ireki antolatuko dituzten urtean zehar, Elhuyar Aholkularitzarekin batera. Horietako lehenengoa ekainaren 22an egin zuten eta 26 herritarrek hartu zuten parte. Hainbat kudeaketa ereduren inguruko informazio teknikoa jasoko dute herritarrek, hausnartzeko oinarri sendoa izan dezaten. informazio gehiago
2010-06-10Usurbilen, Durangon, Leioan... eta orain Iruņean ere bai
Otsailaren hasieran inauguratu genuen Leioako bulego berria eta lau hilabete eskasera ireki dugu beste bat, oraingo honetan Iruñean (Martzelo Zelaieta kaleko Iwer eraikinean).
Izan ere, Elhuyar Aholkularitzak euskararen normalizazioarekin lotutako proiektu bat garatuko du Iruñerrian: hainbat udalek (Antsoain, Aranguren, Atarrabia, Berriobeiti, Berriozar, Burlata, Orkoien, Uharte eta Zizur Nagusia) beraien udalerrietan euskararen normalizazioa lortzeko bidean eragiteko erabakia hartua dute, bereziki esparru sozialean eta merkataritza esparruan, “Euskara Zure Esku” eta “Euskara Merkataritza” programen bitartez, hurrenez hurren. Aspalditik datozen ekimenak dira horiek (Burlatan, adibidez, 1994an hasi ziren lanean).
"Euskara zure esku" programaren bidez Iruñerriko guraso elkarteekin, peñekin, gastronomia-elkarteekin, asialdi eta kirol elkarteekin elkarlanean jardungo du Elhuyar Aholkularitzak. "Euskara merktaraitza" programan, aldiz, merkataritza establezimenduek, merkatalgune handiek eta enpresa txikiek hartuko dute parte. informazio gehiago
PDF/ak ikusteko 
RSS zerbitzuan harpidetzeko emateko klikatu hemen.