Hasiera

Azken berriak

2012-04-27 Euskara Biziberritzeko Plan Nagusia herritarrekin elkarlanean landuko dugu, Bermeon

Bermeon, Euskara Biziberritzeko Plan Nagusia herritarrekin elkarlanean landuko dugu. Euskara eta parte-hartzea eskutik, beste behin. Ikus albistea Bermeoko HITZAn. informazio gehiago
2012-03-23 Bizipenak eta kezkak partekatzen

Lagunartean pasatu dugu gaur goiza. Izan ere, Durangoko egoitzan elkartu ditugu lan-munduan euskararen erabilera normalizatzeko plangintzak dituzten bezero eta eragile batzuk. Trukegunea deitu diogu egitasmo horri, eta, urtaroen amaierarekin batera, urtean lau saio egiteko asmoa dugu. informazio gehiago
2012-02-10 CAFek euskalduntzeko egindako ahalegina goraipatu du Irungo Udalak

Eusko Jaurlaritzaren Bikain ziurtagiariaren zilarrezko alea jaso du CAFen Irungo lantegiak 2011ko udazkenean eta, horregatik, Irungo Udalak goraipatu egin du CAFek euskara normalizatzeko bidean egindako ahalegina. Izan ere, maila horretako ziurtagiria jasotzen duen Irungo lehen lantokia da CAF.

Irungo alkate Jose Antonio Santanoren hitzetan, "honek beste enpresetan eragina izan dezake euskararen erabilera normalizatzeko bidean". Gainera, etorkizunera begira horrek ekar ditzakeen onurak gogorarazi zituen: "Urte gutxiren buruan euskaraz ikasi duten gazteak CAF-Irungo eta herriko beste enpresetako langileak izango dira eta gaztelaniaz bezala euskaraz aritzeko aukera edukiko dute".

Argazkian ikus daitekeen moduan, Irungo Udalean harrera egin diete CAF Irungo lantegiaren zuzendariari, Javier Elustondori, eta CAFen euskara-arduradunari, Joxe Begiristaini. Horiekin elkartu ziren Irungo alkate Jose Antonio Santano eta Udaleko Euskara zinegotzi Fernando San Martin. informazio gehiago